نام نوحه : یا حسین مظلوم  اثر : حسین محمودی
 
یاندیم ای اخا یاندیم الامان اکبریم اویان اکبریم اویان

اود ووروب فنیم خئیمه لر یانیر یاندیم الامان اکبریم اویان

دورگینان اخا بیر باجووا باخ اود توتوب باشی ، اته گی یانیر

ایستیره م چیخیب من چؤله قاچام باغلاییب یولو دوشمه نیم اخا

سؤیله سن عموم عباسا اخا زینبین بو حالینا باخ اویان

قالمادی منیم چپی اؤرتوگوم جیریلیب قولاغیم هارا گئدیم

اود باشیمیزا بیزلرین یاغیر ایستسیه ک قاچاک اوخ ده ییر بیزه

وئردی ایذنی عمه قاچاک چؤله چاپدیریللا آت اشقیا اخا

خیردا قیزلارین آت  ایاغینا یوخدو طاقتی اکبریم اویان

داغیلیب چؤله قیزلار هامیسی خئیمه لر یانیر عمه م آغلاییر

خئیمه لر ایچینده دی قارداشیم اؤزونو اودا عمه میز چالیر

وای یووا تالاندی اخا بی باخ قوشون آغناییب بیزلره ساری

یوخدو بیر نفر یاردیم ائیلییه یاندیم العطش اکبریم اویان

یاتما ایندی قارداش بئله چاغی سسله سن آتام عمومو گله

آتامی چاغیر عمه م آغلاییر قیزلارون داغیلیب چؤله دئنه

عمه مه گلین یاردیم ائیله یین گؤر قیلینج آلیبدی اخا دیله

نئجه ووروری دوشمنی قیریر دوشمن آغلادی اکبریم اویان

باخگینان اخا محشر اولموشی یئر گؤی آغلاییر قیزلارآغلاییر

او دوشه ن اوچوخ یئرده آتامین نعشی آغلاییر قانی آغلاییر

آغلاییر بوتون قانلی ذوالجناح سولار آغلاییر توپراق آغلاییر

دوغرانان سنین نعشون آغلاییر یاندیم الامان اکبریم اویان.

---------------------------