نام نوحه : مصیبت حضرت زهرا (س) اثر : محمدتقی قمری گلزاردربندی متخلص به (قمری)



قوْیدۇ قدم چوْ عاله‌م-ی- ایمکانه فاطیمه

گلـدی همیشـه نالـه-وْ-افغانـه فاطیمــه

خوْش گۆن جهاندا گؤرمه‌دی، گؤگلی آچێلمادێ

دۆشـدۆ زمـانــه ده نئـجــه تـوفـانــه فــاطـیمــه

اووه‌ل خدیجه تک آنادان حسره‌ت آیرێلێب

عاله‌مده یاندێ آته‌ش-ی-هیجرانه فاطیمه

باشێنا سالدێ احمد-ی-موْختار قاره‌سین

دار-ی-فنــاده قــالــدێ ذلیــلانـه فاطیمـه

اوْدلاندێ ظۆلمیله‌ن قاپێسێ یاندێ درگه‌هی

مــؤحتــاج قـالـدێ دردینــه درمـانــه فـاطیمـه

پهلوی-ی-پاکی سێندێ، شهید اوْلدۇ محسنی

آغیشتـــه اوْلـدۇ لالــه صیفــه‌ت قـانــه فاطیمــه

قوْل باغلێ چکدی مسجیده، امّت عم‌اوْغلۇسێن

جــور-ی-عــدو ایلــه‌ن یئتیشیـب جـانـه فاطیمــه

غصب-ی-فدک، جفای-ی-عدو، ظۆلم-ی-اشقییا

یێخــدێ ائـویـن، دؤنـۆب قــدّی چوگانـه فاطیمـه

اوْن سککیز ایل گئچیندی بیله آه-وْ-زاریله

آخـه‌رده اوْلـــدۇ امّتــه بیگــانـه فاطیمـــه

اهل-ی-مدینه قوْیمادێ شوریله آغلاسێن

هــردم گلــه‌نـده نالــه-وْ-افغـانـه فاطیمـه

اؤز منـزلینـده اوْلمـــادێ فـۆرصــه‌ت عــزا دۇتــا

چوْخ حسره‌ت اوْلدۇ دیده‌ی-‌ی-گیریانه فاطیمه

دردی داشــانــدا، نـالــه قێـــلاردێ بقیعــده

غمده‌ن دؤنه‌ردی گؤزیاشێ عمّانه فاطیمه

اۇمـۇدێ وار شفاعه‌ت ایده روز-ی-رستخیـز

مـوشگول گۆنۆنده (قمری) نالانه فاطیمــه


----------------------------
شاعر : قمری دربندی

نام نوحه : مصیبت آل علی اثر: قمری دربندی

ای دل گؤز آچ اویان کئچیب عؤمر جوان هانی

بئل باغلاما جهانه وفای جهان هانی

هر قرنده دولار، بوشالار، کاروان کئچر

بو کاروانسرایه گلن کاروان هانی

بئش گون قالیب تمام دل آزرده گئتدیلر

بیر باخگیلان او قافله لردن نیشان هانی

چوخ گولشنی خراب ائله دی صرصر خزان

بولبول هانی او گوللر هانی گول ستان هانی

چوخ سرو باش چکیب فلکه باغ عؤمرده

اول باغ عؤور نولدی ، اوسرو روان هانی

توپراق دولوب او باشلارا، اگمزدی چرخه باش

اعضا هانی ، جسدهانی، جیسمیله جان هانی

چوخ نازنین لری چکیب آغوشه مارومور

توپراق ایچینده اونلاری یاده سالان هانی

نولدو زمانه ایچره اولوالعزم انبیا

فیکر ائیله گؤر تمام ملوک کیان هانی

هئچ قویمویوبدی بیرداشی داش اوسته بو فلک

ویرانه اولمویان دئ گؤروم خانمان هانی

چوخ ائولری داغیتدی بو دوران روزگار

آل عبا کیمی قاپیسی باغلانان هانی

چوخ تویلاری جهاندا فلک یاسه دؤنده ریب

قاسم تک اللرینه حنا قان یاخان هانی

چوخ نوعروسی چرخ ائیله ییبدی قرا دوداق

اما دوداغی قان ایله الوان اولان هانی

دامادیلر زمانه ده چوخ نامراد اولوب

اعضاسی خنجرایله سوسوز دوغرانان هانی

داماد کربلاتک الی ده یمه ییب اله

چؤللرده نعشی اوچ گئجه عریان قالان هانی

آل علی مصیبتینی نظمه چکمه یه

هئچ ذی نفسده طاقت شرح و بیان هانی

تاحشر اولونجا هر ائشیده ن ناله سین دئیر

بزم عزاده «قمری» شیرین زبان هانی


------------------------

شاعر : میرزا محمدتقی‎ قمری‎‎ گلزار دربندی متخلص به (قمری)

نام نوحه : استمداد حضرت عباس از امام حسین:


آتدان دوشَنده توپراقا سَقّای کربلا

یوز دوندَروب خیامه خیطاب اِددی یا اَخا

کَسیلدی طاقتیم ای یارِ مهربان سن سیز

میثالِ غنچه گول باغریم اولدی قان سن سیز

بهار فصل پوزولدی طراوتِ گولزار

یِتیشدی غُنچَه گوله صَرصَرِ خَزان سن سیز

هَزارِ گولشَن عومروم ترانه دن توشدی

ییخیلدی سَروِ خرامان گول سِتان سن سیز

آلوبدی دوره می یوز مین سَواره مَن یالقوز

وورولا پِیکریمه تیرِ جان سِتان سن سیز

عُقاب وار عِقاب اوسته سیندی بال و پریم

گُوروب عُقاب اِیلَدیم تَرکِ آشیان سن سیز

فَراطه گِیتدیم اِئدم تِشنَه لَب لَری سیراب

اوزوم سو ائچمَه دیم اِی شاهِ کامران سن سیز

نه قدر اَلیم واریدی قویمادیم عَلَم یات سون

بو قوم وِیرمدی بیر دم منَه اَمان سن سیز

ایکی قولوم کَسیلوب صونرا مَشگیم اوخلاندی

یارالی سینَم اولوب اوخلارا نیشان سن سیز

آدیم زمانه ده سَقّا،سو اوسته اوخلاندیم

بویاندی قانیله جیسمیم چو اَرغوان سن سیز

یاخوندی جانیم اولا پایمالِ سُم سِتور

آلوب آرایه منی قومِ کوفیان سن سیز

اَجَل دولوب گوزومه اینتیظارووی چَکَرَم

گوزوم یولوندا قالوب چیخمیری بو جان سن سیز

باشیم دیز اوسته آلوب گوزلَه ریمی باغلاماسان

گِئدیم نَه نوعیلَه اِی میرِ کاروان سن سیز

شِکَسته گوگلوم آچیلماز،مَنیم یوزوم گولمَز

اَگَر مَقامیم اولا روضِهء جِنان سن سیز

سو سوز دوداقلاریما وورمارام شَرابِ طَهور

وریلسه گَر مَنَه مین چِشمِهء رَوان سن سیز

ایکی قولو وی سالیب بوی نوما قوجاقلاماسان

اولونجا روزِ جَزا اِیلَه رَم فَغان سن سیز

رَوا دگیل قوری یِر لَر دَه آخر عومرومده

اولوم چو "قومری" دِلخَستَه نوحه خوان سن سیز


منبع اصلی : از کتاب کنز المصائب اثر مرحوم قمری دربندی

------------------------------------