شعرترکی :  در جلالت حضرت زینب از آقای استاد محمد تقی جابری

(شاعر و مداح اهل بیت) از تبریز

ای سر عظیم کبریا یا زینب

گنجینه عفت و حیا یا زینب

--

سن آیت صنع خالق یکتاسن

ذریه پاک سید بطحاسن

سن قره العین علی اعلاسن

ای دختر خیره النسا یا زینب

--

سن گلشن عشق ایچره گل احمرسن

دریای جلال و عزته گوهرسن

عفت عرض اولسا سن اونا جوهرسن

ای نفس نفیسی کیمیا یا زینب

--

توصیفه گلن دگل جلال و جاهون

درگاه رجادی عالمه درگاهون

بیر جاه ویروبدی سن ایچون اللهون

رشگ ایلر اوجاهه انبیا یازینب

--

مینلر خطبا بو صحنه غبرادن

مدح ایلسه لر سلاله زهرادن

اولماز نقدر دیولسه نم دریادن

وصفونده سنون یوخ انتها یاز ینب

--

ای روز ازلدن آدی منظور حسین

پیمان بلا و غمده مسطور حسین

پیغامبر قیام پر شور حسین

ای تالی شاه کربلا یا زینب

--

سن کوفه ده بیر خطابه قیلدون انشا

دولدورموشدی تمام شهری غوغا

ظن ایتدیله صحبت ایلوری شیر خدا

حبس اولدی جماعتده قوا یا زینب

--

خطبه نجه خطبه بی نظیر و غرا

دنیا گوزی گورمیوب نظیرین اصلا

بیر خطبه ده ایتدون آل هندی رسوا

فاش اولدی جفای اشقیا یا زینب

--

احقاق حقوق شهدا سندن دی

تثبیت قیام کربلا سندن دی

پیزوزی لشگر خدا سندن دی

ای روح وفا عین صفا یا زینب

--

آبادی خانه ولا سندن دی

ویرانی کاخ اشقیا سندن دی

ترویج شریعت خدا سندن دی

ای اوج شهامتده هما یا زینب

--

بیر بیله جلالته سن ای کنز وقار

اولدون بو جهانداچوخ بلایایه دچار

جان ویردون علیله حالیله زارو نزار

شام ایچره دلونده وا اخا یازینب

--

سسلردون اماندی هارداسان قارداش حسین

هجرونده گوزومدن آخوری قانیاش حسین

جانیم چیخموری زینبیوه چک باش حسین

گل صون نفسیمده قیل ندا یا زینب

--

زینب باجوام وفالیم آی قارداش

ایل طائفه دن آرالیم آی قارداش

بالینیمه گل یارالیم آی قارداش

بیرده نولی ایله سن صدا یا زینب

--

ای شور سالان عالم امکانه آدی

وی روح ولایت یارادان جاندا یادی

گوردوم حرمون قالوبدی کامیمده دادی

گل بیرده برات ایله عطا یا زینب

--

حسرت چکوری جابری هر صبح و مسا

هیئتله گله مزاریوه دلده نوا

قبوندن آلا رایحه روح فزا

وار اوردا شمیم کربلا یا زینب

××××××××××

شعرترکی : درباره  شهادت امام صادق (ع) از آقای حاج تقی جابری

امام صادق سلاله ی زهرا

ایدوبدی منصور او سروری مسموم

بو غمده درده گلوب دل طاها

وجودی گل تک سولان آقام ایوای

ستمله مسموم اولان آقام ایوای

بو گون شیعه گوزیاشین یوزه باغلار

آقام وای دلده یانار سینه داغلار

قویوب هجر جعفر ابن محمّد

امام موسی ابن جعفری آغلار

فنا دنیادن دویان آقام ایوای

عیالین آغلار قویان آقام ایوای

ایا مهدی ای عزیز پیمبر

یانور جدّون ماتمینده اورکلر

باشون صاق اولسون سنون بو عزاده

اولان ای قلب شریفی مکدّر

غمی دله اود سالان آقام ایوای

خرابه قبری قالان آقام ایوای

دوزردی هر درد و رنج و بلایه

رضا اولوب دلدن امر قضایه

بساط ماتم قوراردی حسینه

چوخ آغلاردی شاه کرب و بلایه

جهاندا دل داغلین آقام ایوای

حسینه چوخ آغلین آقام ایوای

حسین تک اندوه و غم چکن اولماز

حسین تک عالمده ممتحن اولماز

اگر عالملر گله گیده کرّات

حسین تک نسگلّی جان ویرن اولماز

غریبانه جان ویرن آقام ایوای

کفنسیز قبره گیدن آقام ایوای

حسینه دل داغلینمدی زینب

دویونجا بیر آغلینمدی زینب

حسینینون قتلگهده او سانسیز

یارالارین باغلینمدی زینب

سوسوز یالقوز جان ویرن آقام ایوای

یارالاری قان ویرن آقام ایوای

گریز دوّم:

بو گون دوشوب عرش و فرش آرا غوغا

اولوب عزاخانه جنّت الاعلی

الی اورکده بالاسینا آغلور

بهشت عدن ایچره حضرت زهرا

او زهرا که آهی عرشه دایاندی

ثقیفه راییله درگهی یاندی

دفاع ایدنده ولی خدادن

قاپی دالندا قالوب یارالاندی

خبر ویر شیر خدا گله فضّه

ایده دشمنله مقابله فضّه

دی زهرانی ثانی سالدی ایاقدان

دوشوب زهرا امری مشکله فضّه

گورنده زینب او حالدا آنانی

گلوب ندا ایتدی شیر خدانی

بابا نه اگلشموسن آنام ئولدی

یتوردی ظلمین نهایته ثانی