نام نوحه : زبانحال حضرت لیلا (س) بر سر مبارک حضرت علی اکبر (ع)
نام شاعر : متین

ای اوج عشقده پر آچان شاهباز اوغول
سیروندن آلموسان نه گوزل امتیاز اوغول
اولماز مقام سیریده هر کس سنه عدیل
عصفور شاهبازه اولا احتراز اوغول
سن بیر ستاره سن فلکون نوک نیزه دور
قیلدون نشیب فرشوی عرش فراز اوغول
سن ویردون حق یولوندا باشون ای فدای حق
باش ویرماقون ایدوب آناوی سرفراز اوغول
حایلدی گوز یاشیم یوزیوی من گورنمورم
دل ملکین اشکیله ایدرم ترک و تاز اوغول
یتمیر الیم جدایه سیلم قانلو گوزلرون
لطفیله باری ایله اوزون دیده باز اوغول
سن سیز علی جهاندا گور علی نه حاله قالموشام
زرتار ناقم ایمدی اولوب بی جهاز اوغول
قان پرده سین کنار ایله او گل جمالدن
فرصت زمانیدور گل ایداخ کشف راز اوغول
خوشدور منه بو عالم علی ایتمرم گله
عاشق بلا گلنده ایدر پیشواز اوغول
ناز ایله سن نقدر آناندا نیاز ایدر
مندن نیاز دور سنه سندنده ناز اوغول
توش اولموسان مخالفه دست عراقده
اولدی انیس لیلیه شور حجاز اوغول
عشقون سالوبدی لیلنی باطنده چوللره
ظاهرده سالدی چوللره بو قوم آز اوغول
پابند زلفووم دگلم دشمنه اسیر
یوخ جراتی شکار ایده شیری گراز اوغول
ابرولرون اولوب علی محراب طاعتیم
اولموش طریق عشقیله جای نماز اوغول
سو یوخدی کشف رازیمه تا دستماز آلام
اولماز مگر سرشکمیله دستماز اوغول
اظهار ایدم نیازیمی من بی نیازیمه
بلکه نیازدن قوتارا بی نیاز اوغول
لطفیله لطف ایده منه خلّاق لاینام
بو دهرده نصیب ایده عمر دراز اوغول
کوی محبّت اوسته ورام عشق بیدقین
اولسون اونا قیامته دین اهتزاز اوغول
تا وار نفس دیوم آدیوی نالیه گلوم
عشقیم حقیقی دور گورلر یا مجاز اوغول
ای برتری جلالی سلیمانه جاهدن
دارینی قیل متینی اوزون سرفراز اوغول
گورمز جزا گونونده "متین " خوف و واهمه
اولسان او گونکی گونده اونا دلنواز اوغول

منبع : http://asheghanmovla.persianblog.ir
منبع اصلی : کتاب منشور عاشورا ج1