اشعار و نوحه های مرحوم حاج حیدر شبگرد : متخلص به ( خوندل ): 

شعر درباره :امام زمان(ع)

ای یگانه مصلح دنیا و دین یابن الحسن گل یولون گوزلور هامی اهل یقین یابن الحسن

*****************

ای هدایت چرخینون بیر نیّر تابانی گل ای سریر عزت و آزادگی سلطانی گل

گل گلن یولاریون تپراقنون قربانی گل ای امید عترت حبل المتین یابن الحسن

*****************

بیرمریض عشقه بنزر بو جهان جان اوسته دی

عالم اسلام یکسر کفر الیله خسته دی

روزی هر ذی حیات آخر سنه وابسته دی

ای الینده آفرینش بیر نگین یابن الحسن

-----------------------------------------

بی شک یکی از بهترین اشعار در مورد روضه حضرت زهرا ( س ) اشعار مرحوم خوندل است . اشعاری که قبل از چاپ دیوان ایشان در بین مداحان رایج بود . 

واحسرتا آئیردی اجل یاری یاردن زهرانی آلدی حقی گیدن شهریاردن

به قول مرحوم حاج حمید طهباز یک مورد از این اشعار را خوندل برای ایشان سروده بودند . 

فریضه دن صورا هر گون دیردی یا الله یورولموشام منه خوشدور بو عمر پایانی

عنایت ایله خدایا وفاتیمی یاخون ایت جهانی نیلورم ای عالمین جهانبانی 

دعای فاطمه اولدی اجابته مقرون چکوبدی بستر مرگه او روح ایمانی

او نازنین بدنی غصّه لر ایله اریدوب شبیه ایدوبدی هلاله او ماه رخشانی

----------------------------------------------

در مورد حال احتضار حضرت زهرا ( س ) : از مرحوم خوندل:

گلوبدی بیرگون علی گوردی رو به قبله یاتوب 

کسوب علاقه بدندن قوای جسمانی

گورنده بی حرکت همسرین او سرور دین

نه حاله قالدی بولر اهل دل او معنانی 

بو نیّتیله او خاموشی بیر دانیشدیرسون 

گلوب تکلّمه بو سوزلر اولدی عنوانی 

خطاب ایدوب که دور ای قائد الصّلاه قیزی 

رعایت ایت بو علیّ غریب و تنهانی

دیدی دوباره دور ای حامل زکات قیزی

گوزون فداسی گوز آچ ایتمه نقض پیمانی

اوچومجی دفعه بویوردی عم اوغلوام زهرا

قسم علاقوه رد ایتمه بو تمنانی

ندا ندای علی فاطمه جواب ویرن

منم که مشکله سالام بو امر آسانی

بو سوزده گوزلرین آچدی بتول نازیله

تبسمیله ایدوب شاد او غملی مولانی 

دیدی عم اوغلی بیله آغلاما سنه قربان 

گوزموده گوندوزومی ایتمه لیل ظلمانی 

حیات و مرگی کناریمده روبه رو گورورم

گل ای کرامتی عاجز قویان مسیحانی

بهشتیدن منی دنیایه ایلدون معطوف

زیارتوندن اولار بو نقصه جبرانی

هزار روضه ی رضوان فداسی بیر نگهون

گورر دل اهلی جمالوندا بسط عرفانی

سن اولماسان نه بهشت و نه کوثر و نه قصور

تاپار سنیله صفا خلد حور غلمانی

جلال بارقه ی ذوالجلالی سنده گورر

ویرر کلیمه تجلای طور سینانی 

سنه مطیع اوامردی قابض الارواح

اطاعت امریوه ایلر او پیک رحمانی

گلوبدی منتقل ایتسون منی بو عالمدن 

بقایه چونکه بو عالمدی عالم فانی

ولی فراقیم اگر سخت مشکل اولسا سنه

حضوریون منه وار مین بهشت رجحانی

سن اولماسان منه سن سیز بهشت اولار زندان 

بتول نیلوری سن سیز بهشت رضوانی

عم اوغلی امر سنون دور نه اولسا منظورون

اوالیمون سنه وار بیر خضوع شایانی

اگر بو مرحله ده خواهشون حیاتیم دی

بتول جانیله اجرا ایدر او فرمانی

عم اوغلی من سنی ترک ایتماقیم دگل آسان

بو آیریلیق دگی بیر روح ترک ایدر جانی

حسینیله حسنون زینبیله کلثومون

من اولماسام اولارین کیم اولار نگهبانی

بو قدر آغلاما آغلار گوزون فداسی اولوم

ایدر گوزون یاشی شرمنده بحر عمّانی

حیات چشمه سی جاریدی هر دمونده ولی

یازوب فنایه قلم کل من علیهانی

اجازه ویرسن اگر چوخ یورولموشام منده

 گیدوب بهشتده اولّام رسول مهمانی 

بویوردی فاطمه بیر اود آلیشدیروب دلده

فراق سوزی آشوب حدّ و مرز طغیانی 

فقط بو گوز یاشی هر دم ایدر اونی خاموش

بولر فراقه گرفتار اولان بو ایمانی

چتیندی داغ جوان لیک سخت تر بولورم

خدایه آند اولا من فرقت احبّانی

بو آیریلیق ایله بیر اودّدی حشره تک سونمز 

یانار یانار کول ایلر یاندیرار تن و جانی

غمیم همیشه لیق اولدی سنون فراقوندا

سزادی اشکیم ایده شرمسار دریان 

اولار بو سرّ گجه یاتمیانلارا روشن

نیه منه گیجه لر اولدی لیل ظلمانی

------------------------------------

در مورد حضرت علی اکبر ( ع ) : از مرحوم خوندل:

عزیز فاطمه آرام جانین تاپدی جان اوسته او حالیله که جان تسلیم ایدر اول نوجوان اوسته

گوروب قان دجله سینده غرق اولوب گلبرگ مقهوری

سولوب رنگی دولوب قانیله چشم مست مخموری

بویوردی ای علی ای قلبیمون بندی گوزوم نوری

بو سنسن قان آخور یا گل دوشوب آب روان اوسته

گوزوم گورمور گوزون آچ بو داد و شیونله

اوغول بیر عمریدور روحیم منیم الفت دوتوب سنله

دله گل ای منیم شیرین دلیم بیرده دانیش منله

آتان بیر عمر شیرین قویدی بو شیرین زبان اوسته

علی ای جمله ی خوبان عالم حسنوه بنده

شهادت خلعتی بو قامت زیبایه زیبنده 

غم ایتمه بو الوملر روح اسلامی ایدر زنده

سعاتدور شهادت بیر حیات جاودان اوسته

---------------------------------------------- 

در مورد روضه ی حضرت ابوالفضل ( ع ) : از مرحوم خوندل: 

به کف آب و لبش از تشنگی سوخت که انسانی به انسان ها بیاموخت

اگر از آب تر گردد گلوئی رود از آب عالم آبروئی

دهانش آشنای آب گردد از آن آب خنک سیراب گردد

نگرداند اگر از آب رو را گذارد در ره آب آبرو را

در آن حالت چه حالی کرد احساس بگفتا خوار شو ای نفس عباس

به دریا ریخت از کف باز آبی به نفس خویش کرد این خطابی

بگفتا من شوم از آب سیراب حسینم را شود دل در تب و تاب 

اگر من آب را نوشم حلالست ولی در عشق این امر محالست

به نفس خویش گفت آن سرو قامت مباح است آب اگر باشد حرامت

مگر رسم وفاداری ندانم که نوشم آب چندی زنده مانم 

چنین عمری نمی ارزد بهائی بمانی شهره اندر بی وفائی

تو خواهی آب نوشی زنده مانی بمان تا روز محشر گر توانی

و این چند بیت ترکی که تعقیب اشعار ذهنی زاده است :

دیدی ندن بس علی اوغلی ایلمورسن جنگ

نه گلدی صولتیوه قالموسان صلابت سیز

تصور ایله او حالتده نیلسون عباس 

سئوال دشمنی تا قویماسون اجابت سیز 

ویروب بو طرزیله گویا جواب او کان ادب

اهانتیله دانیشماز مگر اصالت سیز

گلیدون اوندا گوریدون الیم سلامتیدی

بو قدر فرض ایلمزدون منی شجاعت سیز

الیم الیمده دگور گر چه ال سیزم اما

بو رزمگاهی دولانام آت اوسته وحشت سیز

--------------------------------