نام نوحه : وداع امام حسین (ع)
نام شاعر : عباسعلی فاخر متخلص به : ( فاخر )

آلموشام چون باده دست ساقی میخانه دن
من باجی مستم ازل گون ایچدیقوم پیمانه دن
من ازل گون نوش ایدن پیمانه دن مستم باجی
ایتدیقوم پیمانه تا جان واردی پا بستم باجی
عالم قالوبلادن سنله همدستم باجی
قصد وصل یاریله ال اوزموشوخ کاشانه دن
عاشق کوی لقایم تشنه لب دل بیقرار
بو مرامیمدور اولام عطشان بو کویه رهسپار
عالمی آب فرات و زمزم ایتسه جویبار
ایچمرم آب حیات اولسا ید بیگانه دن
عهدیمون تکمیلینه ویرم بو گون بیر باش و جان
دین و قرآن باغنی سیراب ایدر آخدوقجا قان
باغ قرآن گورمیوبدور من کیمی بیر باغبان
گچمیشم نازلی رقیم تک گوزل ریحانه دن
اهل کین تیغ و سنانیله توکللر قانیمی
گون قباقینده قویالار پیکر عریانیمی
عشقمون اثباتینه شوقیله ویرم جانیمی
تا نشان اولسون جفای زاده مرجانه دن
من او گوندن که دیار عشقده ویردیم قدم
آچدی شوقیله ابوالفضلیم باشیم اوسته علم
ماتم اکبر آچوب لیلایه بیر باب الم
اصغریم سرمشق آلوب اول سالک فرزانه دن
سو کنارینده بو چولده منخسف اولدی قمر
اصغریله اکبرین داغی سالوب جان شرر
ایلدون اوغلانلارین تا قاسمیله همسفر
عالمی حیرتده قویدون همت مردانه دن
مرحبا عشق عالمینده دیده حق بینیوه
اولموسان پا بند سنده من کیمی آئینوه
ویرموسن بیر جفت قربان جان و دلدن دینیوه
چکموسن قارداش یولوندا ال ایکی دردانه دن
چیخماسا جسمیم کتاب الله کیمی شیرازه دن
تاپماسا اوخ اکبرین زخمین اورکده تازه دن
عشقیله دولدورماسام آفاقی گر آوازه دن
خلق بولمزلر حقیقت فرقینی افسانه دن
ایلورم بیر بیر سفارش نازلی اطفالی سنه
صبر ایله هجران غمینده گلمه داد و شیونه
باغبان اول آفت غمدن پوزولموش گلشنه
گوز گوتورمز باغبان مرسومدور گلخانه دن
لوح غمده ثبت ایدوب روز ازل کلک قضا
دین یولوندا ایلییم یتمیش ایکی قربان فدا
من اولان دمده باجی عطشان ذبیحا من قفا
قویما قزلار قوش کیمی آواره اولسون لانه دن
ناگهان قارداش گوروب زینب دوشوب تاب و تبه
یوز ویروبدور ظلمت هجران ایشقلی کوکبه
قلب عالم اوز الین تا قویدی قلب زینبه
محنت و اندوه آزالدی اول دل دیوانه دن
بولمورم بیر نچه ساعتدن صورا او اللری
ساربان کسدی بیلگدن داغلیوبدور دللری
ایلدی خندان گلی آغلار قویوب بلبلری
آغلابدور زینبی بو کینه خصمانه دن
"فاخرم"فخریم بودور خدمتگذار و ذاکرم
من سیزون عشقوزده مجنون اولماقیمدان شاکرم
کمترین بیر خادمم نه نوحه خوان نه شاعرم
ایتمیون محروم سیزده نوکری ماهانه دن

منبع :http://asheghanmovla.persianblog.ir
منبع اصلی : کتاب منشور عاشورا ج1