نام نوحه : زبانحال حضرت علی اصغر (ع)
نام شاعر : علی اصغر زاهدی متخلص به : ( معتکف )

جذبه عشق گتوردی منی میدانه بابا
گوگلمی آلدی هدف ایلدی پیکانه بابا

ایله مجذوب ائلموشدی منی سودای سفر
پر آچاندا منه ساری اودی پیکان سفر
چشم بینائیله ایتدیم اونا امعان نظر
دلده یر ویردیم ایله مرغ پر افشانه بابا

عقل ازلده دیدی بو قان توکن اغیار اوخودی
عشق سویلوب دیمه اغیار بو دلدار اوخودی
گر چه اغیار الیله گلوری یار اوخودی
یار آدی گلدی منی ایلدی دیوانه بابا

من بابا یار آدینون عاشق دیوانه سیم
مست ته جرعه پیمانه میخانه سیم
سرخوش جاذبه نرگس مستانه سیم
داخی بیلمم ندی باده ندی پیمانه بابا

ساغر عشقی نگوردیم گتورور ساقی تیر
دولی الده می وحدت نه که صهبای عصیر
آختاریر عاشق جانباز صغیر عشقده پیر
تا منی گوردی ایدوب غرش مستانه بابا

قلب عالم ولی اول غرشیله اولدی ملول
نیر چرخ هداده گورونوب حال اوفول
پیک دلداریدی عشقیم دیدی ویر رمز قبول
سلم محض اولدوم او پیکه ایله فرمانه بابا

قصد قیلدی اوپه حلقیمدن اودم ساقی تیر
امر ایدوب عشقدن آل رخصت ازل مرشد پیر
رخصت آلدی گورلی نخبه عشاقی فجیر
ایدوب آهنگ نوا و گلوب افغانه بابا

سلک عشقین یته لی سالک فرزانه سینه
دیدی قوی باشوی شاهین یارالی شانه سینه
قان سپوپ اهل ولانین ره میخانه سینه
گله صاحب دل اولان تا در میخانه بابا

لاجرم غنچه ده سولدی گل گلخانه شاه
سیندی میخانه ده می دن دولی پیمانه شاه
بیر لبالب قدحی ویردی نشان شانه شاه
نه لبالب قدح و باده و نه شانه بابا

قان شرابی قدح دلده لبالب اولالی
آرزو ساغرینه باده وصلت دولالی
گلشن عشقده غنچه سارالوب گل سولالی
گلمه مشدی سنه بو حال غریبانه بابا

نشئه باده وحدت منی ایتمشدی خمار
گوگلوم ایستوردی گورم عزتیله مجلس یار
حمدلله الون اوستونده تاپوپ عشقیم عیار
یول آچیلدی گیدیرم مجلس جانانه بابا

قان شرابین ایچه هر کیمسه بو یولدا اولی مست
عشق جانان ایدوب ازلده منی باده پرست
مستیدیم اوندا که پیمانه جان اولدی شکست
نوشخند ایتدیم اودور ناوک پیکانه بابا

منی بر نحویله ایلوبدی بلا باده سی مست
که گورن حالیمی بالمزه اولور باده پرست
سن دولاندیر ره میخانه نی ای مست الست
ره میخانه ده خوشدور سینا پیمانه بابا

اولدی تا عالم عشقونده در میکده باز
ایلدی باده پرستان هوس میکده باز
منی ده ایلدی پیمانه سسی میکده باز
گلدیم آخر اودی بو محفل عرفانه بابا

اوجالان وقتیده میخانه ده پیمانه سسی
چوخالار باده پرستین بلی دلده هوسی
بیرینین پیر مرادی اولا گر هم نفسی
نجه ایتمز هوس باده و میخانه بابا

منه گهواره ده تا یتدی بلایا قدحی
بیله بیلدیم ایدیرم من بابا رویا قدحی
لیک گوردوم وئروری یار اوزی گویا قدحی
اودی بو صحنیه گلدیم بله مستانه بابا

گوئیا معتکفه عشق یولی ساده گلیر
او خیالیله ایدوبدور هوس باده گلیر
بیلموری وار هله بوینوندا نه قلاده گلیر
کیم سالور گور اوزونی مسلک زندانه بابا

منبع : http://asheghanmovla.persianblog.ir
منبع اصلی : کتاب منشور عاشورا ج1 انتشارات منشور تبریز