نام نوحه : ورود به کربلا
نام شاعر : مرحوم وافی

ای کربلا بو گون سنه شاه جهان گلور
جاندان گچوب اوجان جهان میهمان گلور
ایلوب ندا منادی حق باش و جانیله
تسلیم اولوب قضایه شه انس و جان گلور
موسی کیمی او چولده مناجاته گتمگه
موسایه وارث اول ید بیضا نشان گلور
سالمیش یاننجه شوقیله تازه جوانلارین
قربان او چولده ویرمگه لب تشنه جان گلور
نیزه باشندا باشیله معراج ایتمگه
سبط نبی حبیب حق لامکان گلور
مسکن ایده او عرصه ده قویما اشتمیشم
آلمیش سنان و تیغ اله شمر و سنان گلور
قویما کسه سو یولارینی شمر نابکار
چوخ تشنه لبدی اصغر شیرین زبان گلور
بلبل صفت سکینه عمو العطش دیر
الده سو جامی اول گل باغ خزان گلور
راه وفاده اکبرینه زینت ایلیوب
هاجر مثالی لیلی غم آشیان گلور
قویما غبار غم باسا داماد اتاقینی
حسرتیله قاسم تازه جوان گلور
طوی حجله سنده یاخماقا قان طوی حناسی تک
اولموش عروس لاله صفت باغری قان گلور
الده سو مشکی ویرمگه سو اوسته قولارین
سقای اهل بیت شه بی کسان گلور
"وافی" خلوصون اولسا گر اول آستانه ده
مطلق قبول الونده کی شرح و بیان گلور

منبع : http://asheghanmovla.persianblog.ir
منبع اصلی : کتاب منشور عاشورا ج1