اشعاری از مرحوم استاد سیدعبدالحسین خازن تبریزی :


نام گروه : نوحه های شور ترکی

نام نوحه : اوضاع کربلا اثر: مرحوم خازن تبریزی


کربلاده کوفیان آیا نه عنوان قویدولار
خاندان مصطفی‌نی خانه ویران قویدولار
بوقراری قویمیوب یوخسا خداوند حیات
مهر زهرادور همان بوقان اولان آب فرات
بو کلامـه نامسلمانلار گوتوردی نه ثواب
صاحب آب فراتی اوچ‌گون عطشان قویدولار
حق طریقیندن چیخوب پیغمبر اوغلون داندیلار
جیفــه دنیایــه دونــان زمــان تولاندیلار
تؤکدولر مظلومه قانین اوچ گون عریان قویدولار
خون‌بها هر بیر شهیده، بی‌بها قان قویدولار
گل مجـاهد سیرینـه قـوی عرصه عشقه قدم
حضرت عباسی گور مشک اوخلانوب قوللار قلم
سعـی جنگ ایلـر مبادا سرنگون اولسون علم
هر طرفدن اوستونه یوز قوم عدوان قویدولار
گوردولـر شهبـاز اوج همتـی بی‌بال دور
کاسـه چشمـی دولوب قانیله مالامال دور
اقتداری جنگه یوخ چوخ‌چوخ پریشان‌حال ‌دور
بی‌ مروتلر بنای تیرباران قویدولار
گوردولـر اکبـرده ظاهـر دور شعاع نورحق
کربلا صحراسینی اول نورائدوبدور طورحق
حضرت موسا کیمی دوتموش وجودین شورحق
شیوه فرعونیانی آل سفیان قویدولار
موجه گلدی شامیان پرموج دریالر کیمی
فرق پاکی اولدی منشقّ تیغیله حیدر کیمی
ام لیلانـی ســر زلـف علـی‌اکبر کیمی
ایلیوب آشفته عمرینجه پریشان قویدولار
اکبرین اون سگّیز ایل چکمیشدی لیلا زحمتین
بولمورم یارب نئجه گوردی اونون او حالتین
سالدیلار توپراقلار اوسته سروه بنزر قامتین
گون قباقینده یارالی نعشین عریان قویدولار
آلـدی آغوشـه علـی‌اصغری سلطـان دیـن
گئتدی میدانه بویوردی رحم ائدون ای قوم کین
چون حسینـی گوردولر بو حالتیله مشرکین
چکدیلـر ناله بنـای آه و افغان قویدولار
باغ زهرایه تاپوب یول یوز قویوب زاغ و زغن
گل سولوب بلبل اولوب یاسه باتوبدور یاسمن
گل سولوب بلبل‌لر آغلار اولدی غمخانه چمن
نه چمن نه گل نه بلبل نه گلستان قویدولار
ظهـر عاشـورا حسینـی شمـر دون بـی‌حیا
سینه‌سی اوسته چیخوب ائتسون ذبیحاً من قفا
عـرش حقـدن دمبدم فرشه گلوردی بو ندا
قویمیون کافر‌لری اسلامی ویران قویدولار
خیمه‌ده زینب اوتورموشدی ائدردی شور و شین
گوردی آفاقی دوتوب دور ناله «قُتِلَ الحسین»
گلدی میدانه چکوب ناله توکردی اشک عین
عرض ائدردی دور منی سن‌سیز حسین جان قویدولار
 
من حسین اللهیم صدقیله اللهیم بولور

گوزده گوز یاشیم بولور سینمده کی آهیم بولور

سرّیمی بیگانه بولمز بیرجه اللهیم بولور

"خازن"آدین دفتر غملرده عنوان قویدولار


--------------------------------
شاعر : خازن

نام نوحه : حسینه یئرلر آغلار گؤیلر آغلار اثر: مرحوم خازن تبریزی



حسینه یئرلر آغلار گؤیلر آغلار

بتول و مرتضی پیغمبر آغلار

اولوب ماتم‌سرا عالم حسینه

محرّمدور بو عالم یکسر آغلار

قالوبدور ماسوا صبرینده حیران

یاخار قان چشم چرخ اخگر آغلار

غبار غم دوتوب کون و مکانی

باتوب یاسه هامی خشگ و تر آغلار

دوتوب افلاکیان ماتم حسینه

امین وحیِ پیک ِداور آغلار

فراتی باغلیوبدی آل سفیان

بو غمده سلسبیل و کوثر آغلار

سوسوزلار ناله‌سی دوتموش فضانی

عطشدن اهلبیت حیدر آغلار

دئیر لیلا خِیَمده وای اوغول وای

آلار سس رزمگه‌ده اکبر آغلار

فرات اوسته دوشوب بیر سرو قامت

باشی اوسته شه بی‌یاور آغلار

علمدارون قولی تندن دوشنده

علم آغلار، شه آغلار، لشکر آغلار

تاپولمور سس وئرن بی‌کس امامه

بئشیکده چون سوسوزدور، اصغر آغلار

ائدر تأثیر آهی کائناته

امام احوالینه ملکلر آغلار

باخار قیزلار یانار احوال شاهه

نوالردن هامی بحر و بر آغلار

داغیلمش چوللره آل پیمبر

ابوالفضلی هرایه سسلر آغلار

بناتِ فاطمه یا حجت الله

قالوب دشمن الینده مضطر آغلار

اولوبدو «خازن»نین روز ازلدن

حسین آدی دیلنده ازبر آغلار


------------------------

ای صبا خبر ویر عم اوغلوما مسلمون شها تشنه جان ویرو

هرگلن ورور یاره جسمینه کوفیان وفاسین نشان ویرور

ایله بیر رشادت بوکوفه ده ویرمیشم نشان قوم کافره

تیغ تیزیله لرزه سالموشام حمله ایلین وقته لشگره

اهل کینه نون الامان سسی یردن اوج ادیب عرش داوره

بیربیرینه سویلردیلر عجب نایب حسین امتحان ویرور

مرتضی علینون شجاعتین ایدلیدم بوشهر ایچره آشکار

یالقوز ایتموشم حمله صفلره سیندیلار قباقدان ایدوب فرار

ویریدلر زیاد اوغلونا خبر لشگری بوشیر ایتدی تار ومار

قصد ایدوبدی دارالعماره نی سانما بیزلره بیرامان ویرور

امر اولوب اودم اوخ آتانلارا اللّرینده هرسمتدن کمان

ووردولار اوقدری خدنگیله طاقتیم گیدوب قالمادی توان

گوز یاشم کیمی آخدی یرلره چشمه چشمه قانیم اولوب روان

اولمادی کمک بیرنفر منه قتلیمه رضا کوفیان ویرور

گوردولر نقدری اولا قوشون شیریوین وجودینده یوخدی باک

بیرچوخور یری گود قازدلار اُستونی نهان ایلمیشدی خاک

رداولاندا دوشدوم توکدولر لشگر حربه اللّرده خشمناک

اوز شقاوتین ظاهره بوگون اشقیای دور زمان ویرور

ایلدی عدو سیّدی منه روز روشنی گوزلریمده تار

آلدیلار الیمدن قلنجیمی اولموشام بو روبه لره شکار

باغلانوبدی ظلمیله قولّاریم ایلوری زیاد اوغلی افتخار

امر ایدور گلون اُلدورون بونی حکمه باخ زنادن اولان ویرور

وار خیالی دارالعماره نون بامون اُسته بو دشمن خدا

باشیمی کسوب هم قناریه پیکریمی بوقوم دون وورا

الامان حسین ، گلمه کوفیه اُلدورر سنی قوم اشقیا

ظلمونی نشان اهل عالمه شمر کافریله سنان ویرور

نویسنده:رحیم سهرابی از تبریز

منبع: http://khoban.persianblog.ir
-------------
شعر امام زمان(ع) به زبان فارسی از مرحوم استاد سیدعبدالحسین
خازن تبریزی


کی می شود به حال خرابم دعا کنی

نام مرا میان قنوتی صدا کنی

عمری است کوچه گرد دیار محبتم

شاید دلت بسوزد و شاید عطا کنی

با درد هم نشینم و با غصه هم دمم

شافی تویی شود که مرا هم دوا کنی؟

خواهم که جان دهم به رکابت امیر عشق

آیا شود که حاجت من را روا کنی

سر تا به پای غرق گناه و ضلالتم

آقا تویی که با بدیم خوب تا کنی

ای زائر شکسته دل شهر غصه ها

کی می شود که قسمت من کربلا کنی
-----------------------------------------