السلام علیک یا اباعبدالله الحسین (ع)

گلچین اشعار و نوحه ها به مناسبت اربعین امام حسین (ع) به زبان (ترکی آذری):

اربعین حسینی - شاعر: روفه گر


هر دم قولاقیمه گینه صوت فغان گلور

قلبیم یانار، گوزوم دولار، اشک روان گلور

مرآت قلبی صیقل ایدر چون گوزوم یاشی

گوسترماقا جمالینه روح روان گلور

مضراب غم دگنده او تار سلاسله

شور و نوا سسی اوجالور الامان گلور

آواز زنگ ناقه ی رفتار سسلنور

گویا عراقه شامه گیدن کاروان گلور



امّا نه کاروان هاموسی گل کیمی سولوب

گویا گیچوب بهار گلستان، خزان گلور

قاره لباس ایچینده به سان شب فراق

روز وصال شمسه هامی اختران گلور

هم ناله اولماقا او خواتین عصمته

افلاکیدن مقرّب قدّوسیان گلور

القصّه سوز اوزاندی ایداخ کشف مطلبی

ای مستمع قولاق ویر عجب داستان گلور

جابر او حالیله ایشیدوبسوز حکایتین

بُلدی گَلن او قافله دور، زائران گلور

ناگه اوجالدی بانگ هیاهوی اهل بیت

قبر امام اوسته امام زمان گلور

بیردن توکولدولر دوه لردن مخدّرات

گویا یر اوسته کوکب هفت آسمان گلور

زینب کناره آلدی حسین قبرین عرض ایدوب

دور گور نه نوع باجون ناتوان گلور

اوّل بویور گوروم یارالی یاخشیدور یاران

یا اینکه گل کیمی باش آچوب تازه قان گلور

هر چند ایستورم دیمیَم چکمیشم نلر

امّا ایدوم نه چاره که درسیم روان گلور

من خیمه لر یاناندان آدیم شهرت ایلیوب

هر یان دیولّه زینب بی خانمان گلور

خولی قویوب کول اوستونه باشون گیچوب گیدوب

دنیایه هاردا بیله دنی میزبان گلور

ابن زیاد مجلسی بیر اوزگه طرزیدی

گوردوم عمومه اذن ویروب کوفیان گلور

رجّاله لر گلوردی تماشامیزه بیزیم

عرض ایتماقا او حالی نه شرح و بیان گلور

از بس منه مصوّر اولوب شام یوللاری

فکر ایلورم که ایمدیده شمر و سَنان گلور

هشتاددن اویان بویان اوشاق عورت گَلین

یوللاردا اُلدی بعضی سی، بعضی قالان گلور

یوللاردا بیر بیرینه اوشاقلار دیردیلر

چوخ آغلاما یواش سس ایله ساربان گلور

دیره یتنده باشلادی کهف آیه سین باشون

انجلیان دیردیله قرآنیان گلور

شامه یتنده باشلادی ظلم آیه سین دیدی

شامین امیرینه نه گوزل ارمغان گلور

قارداش معاینه گورورم شام مجلسین

طعن ایتماقا خرابیه پیر و جوان گلور

خوردا قیزون خرابه ده قارداش ویرنده جان

یاندیم دینده عمّه بابام بس هاچان گلور

باشون آغاجدان آسدیلا شامین اوشاقلاری

گوردوم دوننده هر طرفه داش ووران گلور

آلدی اله جفا داشین عفریته ی زمان

گوردی قاباقدا راس شه انس و جان گلور

تَربَتدی نحس الین یتیشوب مدّعاسینه

هانسی نشانیه ایله یاخشی نشان گلور

قارداش یزید مجلسی قانلی باشون هارا

هیچ گور خیاله مسئله ی خیزران گلور

مجلس نه مجلس اهلی تمام ایلچی فرنگ

تبریک اوچون یزیده گَلن بی گمان گلور

ایش بیر مقامه یتدی سوزوم قالدی سینه ده

نیلوم یازاندا زمزمه ی ساقیان گلور

واضح حسین عیالی غمین یازما «روفه گر»

قوی پرده ده، بو پرده نی بیر گون آچان گلور

-----------------------------------

نام نوحه : اربعین امام حسین (ع) اثر : نائح


قافیله‌یئ غم دوباره گلدی دشت-ی-نئینوایه

زینب-ی-سییاه معجـه‌ر، تئزه‌ده‌ن باتێب قـرایه



قبــر-ی-پـاکـه یئتمـه‌میش کیـم، دۇردۇ بیــر ازه‌ل دایـانــدێ

رنگی سوْلدۇ دۆشدۆ بیهوش، بسکی قلب-ی-زاری یاندێ

سپــدی ســۇ یــۆزینــه بیمــار، آچــدێ گــؤزلـه‌رین اوْیاندێ

چکـدی تـا اؤزیـن یـئتیــردی، قبـــر-ی-شـــاه-ی-کربـــلایــه



دیل آچاندا اووه‌ل-ی-امر، اوْلمادێ دیلـی دانێشسێن

تـا گلیـب دئـدی بـراده‌ر، کاش کـی بـۇ زینب اؤلسۆن

من نئجه گؤرۆم مزارین، کاش گؤزله‌ریـم کوْر اوْلسۇن

هاردادێر اجه‌ل کی وئرسین، عؤمریمی منیـم فنایـه



مــن فــدا سنیـن وفـاوا، ائــی عـزیز-ی-جان براده‌ر

باش گؤتۆر مزاریده‌ن دۇر، باشێمه اوْلـۇب نه کۆللـه‌‌ر

سن اؤله‌ن سوْرا گؤرۆبدۆر، بۇ باجێن نه قاره گۆنله‌ر

دستگیر اوْلۇبدۇ شئمر-وْ-ائبن-ی-سعد-ی-بی‌حیایه



سن شهید اوْلۇب داغێلدێ، شؤکه‌ت-وْ-جلال-وْ-جاهێم

اۆستۆمه قوْشۇن تؤکۆلدۆ، یاندێ جۆمله خئیمه‌گاهیم

چادریــم تالانــدێ بــاشــدان، اوْلمــادێ بیــر پنـاهیـم

تـاپمـادێـم اومـۇد قـارداش، یـالـوارێب گئـدیـم هـارایـه



باش آچێــق بــۆره‌هنــه نــاقــه، زینبــون سـوار اوْلۇبدۇر

کوفه ده‌ن دییار-ی-شامه، شئمر-ی-دون دوْلانـدێرێبدیر

چارسوده خلق ایچینده، اهـل-ی-بئیتی ساخـلاییبـدیر

صف بئصه‌ف ائدیب تماشا، دۆشمه‌ن آل –ی مصطفی‌یه



جۆمله غمله‌رینده‌ن آرتێق، بیرجه غم منی آلێبـدێر

چوْخدۇ خیجله‌تیم براده‌ر، نه دئییم بیله‌ن نوْلۇبـدۇر

بیــر رقیــه آدلــێ نـازلـێ، خورداجا قێزین اؤلۆبدۆر

آج خرابه تــوْپـراق اۆستـه، دردی یئتمـه‌دی دوایـه



ساچـلارێــم آغـاردێ غمــده‌ن، بسکــی آه-وْ-نـالـه قێلدێم

گؤزله‌ریم دۆشۆب اێشیقده‌ن، آغلادێم زئ بس کوْر اوْلـدۇم

اؤز ائـویمـی یاخشـێ یێخــدێـم، من نئجه بۇ دشته گلدیم

اینـدی گــؤر قالێبـدێـر حســـره‌ت، لئیلـی تـک آنــا بـالایــه



نائحــا حــۆسئینــه هــر کــس، زائــر اوْلســا اربـعیــن ده

وار یقین اوْ شخص-ی-مؤمئن، یوْخ هراسی جان وئره‌نده

ائــی خــودا نصیــب ائیلــه، بیــرجــه اربعیــن گــۆنــۆنده

زائر اوْلسۇن اهل-ی-مجلیس، جۆمله شاه-ی-کـربـلایـه

----------------------------

نام نوحه : اربعین اثر : مغانلو


دور ای اولان سینه‌سی اوخلارا نشان یارالی

گلوبـدی شامه گیدن خسته کاروان یارالی

باجـون گلوبـدی سفردن دور ایله استقبال

اوقان دولان گوزون آچ زینبم اویان یارالی

سنون فراقیوه دؤزمک حسین قوجاتدی منی

بلای هجـرون ایدوب قدیمی کمان یارالی

گیدنده کوفیه جسمون کفن‌ سیزیدی سنون

بو ماجـرا باجـوین قلبین ایتدی قان یارالی

کفـن تاپولـدی و یـا قبریـده کفن‌سیزسن

آپـاردی کؤینگیـوی شامـه کوفیـان یارالی

یـارالی سینوین اوسته آلـوبسان اصغریوی

بوغـازی یاره الون اوسته ویردی جان یارالی

باشیـوی شمر ستمگر بدندن آیری سالوب

ستملـه اللریــوی کسـدی سـاربان یارالی

بو رسمدور که قوناق گلسه‌گر اوزاق یولدان

چیخـار قبـاقینه البتـه میزبــان یــارالی

سوسوز بوغازیوه قربان نیه سسون گلمور

دانیش منیلـه تاپوم طاقت و توان یارالی

کسیلموش اللریـوی چک یتیم‌لر باشینا

باجـون فـدا سنه ای یار مهربـان یارالی

حسین گوزوندن ایراق گل‌لرون سولوب سارالوب

سولار گل اولماسا گلشنده باغبان یارالی

گلوبـدی لیلـی علــی‌اکبریـن زیــارتینه

دیور اوغول آناوام بس هایانداسان یارالی

کمک سیـزم چاغور عباس نامداری گله

اولا بـو چولـده مـن زاره پاسبـان یارالی

اوقدری دیل یاراسی شامین اهلی ووردی منه

شماتت اوخـلارینا اولموشام نشان یارالی

تحمـل ایلمــوشم هــر مصیبته قارداش

ووراندا قمچـی منه شمریله سنان یارالی

دیـار کوفـه‌ده بیـر خطبــه ایلدیـم ایـراد

جداده قانلی باشووی گورن زمان یارالی

شل اولسون اللری بیر داش جداده ووردی سنه

آلوب قراریمی داش یاره‌سین ووران یارالی

باشیمـی محمله ووردیم دیدیم سنه قربان

بو داغدیده باجون ای عزیز جان یارالی

باخـوردی کوفه‌لـی‌لر سـن گلنـده بازاره

دؤنیدی کـاش بیله گـردش زمان یارالی

جدا باشیندا باخیـردون یتیم اوشاقلاریوا

ووراندا اهـل ستـم طعنـ? زبــان یارالی

بو آلتی گوشه‌‌لی قبرون فداسی آی قارداش

گلوبـدی زینب دلخستـه میهمـان یارالی

رقیـه گلمـدی ویرانســراده دفن اولدی

بابا دیه‌دیه ویردی او طفـل جـان یارالی

«مغانلو» شـام و سحـر ایلیر بو غمده نوا

اولوبدی یوسف زهرایه نوحه‌خوان یارالی

----------------------------------


شاعر : مرحوم خادم عطار تبریزی


نام نوحه : اربعین اثر : مرحوم خادم عطار تبریزی


کرب و بلایه چون یتوب غم کاروانی زینبون

عرش برینه اوج ایدوب اه و فغانی زینبون


قبراوسته اچدی باشینی جاری ایدوب گوز یاشینی

اوخشوب سوسوز قارداشینی ارتدی فغانی زینبون


یا من ذبیحا من قفا یا من قتیل الاشقیا

گلدی باجون دور یا اخا اول هوزبانی زینبون


ایله نظر عذاریمه بو دیده ای خون باریمه

گوزدن اخار رخساریمه اشگ روانی زینبون


شامه کیمی شمر دغا چوخ ایلیوب جور و جفا

تشریح ایده دلده اخا یوخدور توانی زینبون


اولدوخ اسیر قوم کین نه یاور ونه بیر معین

شمر اولدی قارداش شامجن چون ساربانی زینبون


قویموب بیزی اول کوفیان تا ایلیاخ اه و فغان

ایمدی گررک اولسون عیان سر نهانی زینبون


یوخدور وفا ایامیده اول قوم خون اشامیده

قالدی روقین شامیده ارام جانی زینبون


دفن ایلدیم با صد محن اوز کوینیون قیلدیم کفن

قاداش پوزولدی ظلمیلن بل گلستانی زینبون


اولدی خرابه منزیله نه سایبان نه حایلی

عرض ایتمگه یوخدور دلی بو ماجرانی زینبون


یارب به حق لافتی بو جمعه سن ایله عطا

زوار اولا اول قبره تا بو<<نوحه خوانی >>زینبون

-------------------------------------
زبان حال حضرت زینب (س) در اربعین حسینی (ترکی )اثر : استاد علی نظمی تبریزی

نام شعر : نه سن سوروش نه من دئییم

نه جور پوزولدو گولشنیم، نه سن سوروش،نه من دئییم

نئجه اولدو سرو و سوسنیم، نه سن سوروش،نه من دئییم

اوره کـده بو دؤیونمه لر ندیر ، نـه دوشـــــدو یادیما ؟

نه دن اوجالدی شیونیم، نه سن سوروش، نه من دئییم


فلک منهنـه ظولملر ائدیبدیر ، اوستون آچمـــــیرام

نه قدر وار غمیم منیم ،نه سن سوروش، نه من دئییم


بو شهرین اهلی بیر به بیر ،وفالی دوســـتدور منـه

منیم کیم اولدو دشمنیم، نه سن سوروش،نه من دئییم


بـو کشت عؤمردن منـه ،بیـرآرپاحاصل اولمـــــــادی

نه اودلا یاندی خرمنیم ،نه سن سوروش،نه من دئییم


اگـر چـه توبه « نظمــــی» یه امیدبخش اولوب ، ولی

نه نوع تردی دامنیم ، نه سن سوروش ، نه من دئیـیم


-----------------------------------

نام نوحه : اربعین اثر :مرحوم تائب تبریزی


عجب زینبه اولدی سعادت انام اوغلی

گلوب ایلدی قبرون زیارت انام اوغلی

دیردیم اولا مهلت اجلدن بو فکاره

نصیبیم اولا بیرده سالام یول بو دیاره

گتوب بیردوشنم من بو ششگوشه مزاره

او منظور اله گلدی بو ساعت انام اوغلی

بو اودلی دلی قارداش عجب کامه یتوردوم

بو ششگوشه مزاه گلوب توشه گتوردوم

بو پیراهنون الده بو قبراسته گتوردوم

ایدم تا سنه رد امانت انام اوغلی

بو کوینک منه سندن قالوب بیرجه نشانه

اولار ایتماقا ناله بیر عمر الده بهانه

باسوب باغریما گلم نوایه یانا یانه

منه نالدن اولماز فراقت انام اوغلی

چوپروانه وجودی وفا شمعنه چالام

بو کوینکدن اولونجه گوزل عطروی الام

الوب عطروی سانسیز یاران یادیمه سالام

گلر درده دل پر جراحت انام اوغلی

اگر اولسا نصیبیم انام مدفنی قارداش

اخار ایسلادیر اشگ تریم دامنی قارداش

انام قبرینه سالام بو پیراهنی قارداش

او مظلومیه قیلام شکای انام اوغلی

--------------------