نام شاعر : اروجعلی شهودی



نام شعر : قارداش باجوون جانی اولا جانیووه قربان اثر : اروجعلی شهودی


قارداش باجوون جانی اولا جانیووه قربان          

بو ایستی قوم اوستونده آخان قانیووه قربان


زهرا   آنامین  عطری  گلیر  قتلگهوندان           

پهلوسی سینان  یاره لی   مهمانیووه قربان


گاه  قیزلارا   گاه لشگره   آخیر  نفسوندا           

حسرتله   باخان   دیده    گریانیووه قربان


قارداش دئه گوروم لشگر احراره نه گلدی          

دریالر  اولا   لشگر    عطشانیووه  قربان


اکبرهانی اصغر هانی قاسم هانی قارداش           

نهر اوسته یاتان سرو سر افشانیووه قربان


کیم سالدی بو حاله سنی ای  سرور  ابرار          

گلشن لر   اولا  غنچه     خندانیووه قربان


حتی آنامین     سوقتینی    غارت ائدیبلر           

قان   ایچره   قالان پیکر عریانیووه قربان


قربانلارینی   ذیبح    ائلیین    کوی مناده         

حجاج اولا    یئتمیش ایکی قربانیووه قربان


ای عرش   شریعتده   اولان شمس امامت         

آی  اولدوز  اولا  شمع   شبستانیووه قربان


ای دهریده    عشاقینه      جمعیت   خاطر        

احباب  اولا    احوال      پریشانیووه  قربان


25 آذر ماه 91- تبریز شهودی

--------------------------
نام شعر: در باره امام علی (ع)اثر : اروجعلی شهودی


علی نین گولشن آما لی آماج خزان اولدو

علی نین گولشن آما لی آماج خزان اولدو  

     بوکولدو قامتی غمده ن موبارک قلبی قان اولدو

علی نین ماه تابانی غریبانه غروب  ائتدی

       جمال  عالم  آراسی  اوفوق  لرده ن نهان اولدو

علی اوز  اللریله  اوز گولون  تاپشیردی  تو پراقه

       علی نین کیم بیلیر دردین علی بی همزبان اولدو

او خاتون وفا پرورال اوزدو دار فانی ده ن

      بقا مولکونده یئر دوتدو وجودی جاودان او.لدو

مقدس   روحی  آیریلدی   مطهرجسم زارینده ن   

    ریاض  خلدیده  گویا پیمبر روضه خوان اولدو

او عیصمت کانی کی دوتموش بوتون آفاقی اسماسی  

      نده ندیر  تربت  پاکی  جهاندا بی نیشان اولدو

اوجاتدی آل اطهارین باشین شایسته رفتاری  

      او گون  کی جانب حقده ن مکررامتحان  اولدو

شهادت  خط  سیرینده ن  یئتیشدی  قاف اجلاله    

     دوتوب اول خطی اولادی  قفاسینده ن روان اولدو

 قیام کربلانین  باخ بیناسین قویدو یثربده     

   او گیزلین   یاره سی ظهر  بلاده  خونفشان اولدواولدو

حسینین روحو دیر روحو نظر قیل حسن تعلیله

    اونون غارتگری قونفوذ بونون کی ساریبان اولدو

او شاعر کی خلوصیلن مدیحه یازدی زهرایه  

  اونون قبر ایچره  همراهی  امیر مومنان اولدو

-------------------------
تذکر مهم :

برای دریافت کل مطالب و اشعار آقای اروجعلی شهودی به وبلاگ ایشان به آدرس زیر سر بزنید:

http://shohodi.blogfa.com

با آروزی سلامتی و طول عمر و توفیق برای استاد : اروجعلی شهودی